Буудуулж амиа алдсан рэпперийн хүү мэндэлжээ
Америкийн рэппер XXXTentacion өнгөрсөн жил 20 настайдаа бусдын гарт амиа алдаад долоон сарын хугацаа өнгөрч байна. Рэпперийг амиа алдсаны дараа түүний найз бүсгүй Женесис Санчез жирэмсэн гэдгээ мэдэгдэж байсан юм.
Рэппер залуугийн найз бүсгүй эсэн мэнд амаржиж рэппер XXTentecion-ий хүүг төрүүлжээ. Ээж хүү хоёрын бие сайн байгаа тухай буудуулж харамсалтайгаар амиа алдсан рэпперийн ээж Клеопатра Бернард мэдээлсэн байна.
Рэпперийн жинхэнэ нэрийг Жасе Онфрой гэдэг байсан ба хүүд нь Гэкюм Онфрой буюу дараагийн шинэ үе гэсэн утгатай нэрийг өгчээ. Өнгөрсөн оны 10 дугаар сард рэпперийн амиа алдахаасаа өмнө ажиллаж байсан “Скинс” гурав дахь цомгийг худалдаанд гаргасан байна.
XXXTentacion ая зохиогч, рэппер байхаас гадна амиа алдахаасаа өмнө хэд хэдэн хэрэгт холбогдож байжээ. Бусдын гарт буудуулах хүртлээ 15 орчим хэрэгт сэжиглэгдэж байсан байна. Хуучин найз бүсгүйгээ зодож, есөн хүнийг хутгалсан гэж буруутгажээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.