Хятадын Засгийн газар "Ардчиллын наймаачин"-г баривчилжээ

Хятад гаралтай Австралийн блогчин Ян Хэнжун өнгөрсөн амралтын өдрүүдэд сураггүй алга болоод байсан. Түүнийг Бээжин дэх Засгийн газар баривчилсан тухай өнөөдөр мэдээллээ.

Өнгөрсөн бямба гарагт Нью-Йоркоос Гуанжоу руу нисээд сураггүй болсон Ян Хэнжун өмнө нь Хятадын дипломат төлөөлөгчийн албанд байжээ. Хятадын талаас Австралийн элчин сайдын яаманд мэдэгдэхдээ 53 настай, Коммунист намын үйл ажиллагааг шүүмжилдэг байсан эрэгтэйг саатуулсан гэжээ.

Одоогоор чухам ямар шалтгаанаар саатуулсан болох нь мэдэгдээгүй байна.  Австралийн иргэн, блогчин баривчлагдах үедээ эхнэр Юань Руйтай явж байсан гэжээ.

Хятадын Коммунист намыг нэгэн үе хурцаар шүүмжилдэг байсан блогчин тагнуулын тухай өгүүллэгүүд бичдэг байна. 2011 онд сураггүй алга болоход нь баривчлагдсан гэж таамаглаж байсан ч энэ нь ташаа мэдээлэл байсан юм. Одоо Нью-Йоркод амьдардаг, Колумбын их сургуулийн тэтгэлэгт хөтөлбөрт хамрагдсан байжээ.

“Ардчиллын наймаачин” нууц нэрээрээ хүний эрх, ардчиллын тухай цахим орчинд санал бодлоо солилцож, Хятадын улс төрийн тогтолцоог хатуу шүүмжилж ирсэн байна.

Яны найз Сидней хотын технологийн их сургуулийн профессор Фэн Чон-И Хятад руу явахаас нь өмнө сэрэмжтэй байхыг анхааруулсан ч аюулгүй гэж хариулсан байна. Өнөөдөр Австралийн Батлан хамгаалахын сайд Кристофер Пайнь Бээжинд албан айлчлал хийхээр төлөвлөсний өмнөхөн уг хэрэг болжээ.

Эх сурвалж: www.bbc.com