ШУУД: ЖДҮ-ийн зээл олгосон шийдвэрийг хүчингүй болгуулахаар шүүхэд ханджээ
Хэсэг хуульчид нэгдэж хуульчдын хөдөлгөөн өрнүүлжээ. Учир нь тэд ЖДҮ-ийн асуудлыг зүгээр нэг улс төр, бүлэглэл хоорондын маргаан гэж үзэх нь зохисгүй, нийгэмд, олон нийтэд асар хор хөнөөлтэй зүйл учир ийнхүү гар биe оролцож тэмцэж эхэлсэн гэдгээ онцоллоо.
Тиймээс хуульчид ЖДҮХС-аас эрх мэдэлтэй хүмүүсийн хамаарал бүхий компани зээл авсан үйлдэл нь хууль бус гэж үзэн шүүхэд хандсан байна. Ингэхдээ шүүхэд 2 үндэслэлээр нэхэмжлэл гаргажээ. 1-рт, ХХААХҮ-ийн сайдын "ЖДҮХС-аас урт хугацаатай, хөнгөлөлттэй зээл олгох төсөл сонгон шалгаруулах журам"-д оруулсан өөрчлөлтийг хүчингүй болгох 2-рт, Дээрх журмын 6.7-ийн дор хийсэн нэмэлт тайлбарыг хүчингүй болгуулахыг шаарджээ.
Хэрэв шүүхээр ЖДҮ-ийн асуудлыг хууль бус гэдгийг тогтоовол хугацаанаас нь өмнө эргэн төлөлтийг хийлгэж, жинхэнэ ЖДҮЭ-чдэд олгох болмжтой гэж тэд үзэж байна.
300 гаруй ААН ЖДҮХС-ийн зээлд хамрагдах төсөлд тэнцээд санхүүжилтээ хүлээж байсан ч тэднийг хүчингүй болгоод орогд нь эрх мэдэлтэй хүмүүсийн хамаарал бүхий 100 гаруй компани зээл авчээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.