БНАЛАУ-ын Үндэсний Ассамблейн урилгаар УИХ-ын  гишүүн, УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга, УИХ дахь Монгол-Лаосын парламентын бүлгийн дарга Ё.Баатарбилэг, УИХ-ын Хууль зүйн байнгын хорооны дарга Ш.Раднаасэд нарын төлөөлөгчид энэ сарын 17-19-ний өдрүүдэд БНАЛАУ-д албан ёсны айлчлал хийжээ.

Монгол Улсын Их Хурлын төлөөлөгчид БНАЛАУ-ын Үндэсний Ассамблейн дарга хатагтай Пани Ятодү-д бараалхаж, БНАЛАУ-ын Соёл, нийгмийн бодлогын Байнгын Хорооны дарга Сомпү Дуангсаван болон Лаосын Үндэсний Ассамблейн Эрх зүйн Байнгын хорооны дэд дарга, Үндэсний Ассамблей дахь Лаос, Монголын парламентын найрамдлын бүлгийн дарга Кампенг Вилапан нартай хоёр талын албан ёсны уулзалт хийжээ.

Яриа хэлэлцээний үеэр хоёр улсын хооронд худалдаа, эдийн засгийн хамтын ажиллагааг хөгжүүлэх боломж бололцоо өргөн байгааг цаашид анхааралдаа авч, парламентын зүгээс дэмжлэг үзүүлж ажиллахаар тогтсон байна.

Мөн айлчлалын үеэр Лаосын мах импортлогч “Делюкс фүүд” компани болон цагаан будаа тариалагч “Панпет” компанийн үйл ажиллагаатай танилцжээ. 

---