Имартын залуус өөрсдийн гараар бэлтгэсэн буузаар ахмадуудыг дайлна
“ХЭРЭГЛЭГЧ НЭГДҮГЭЭРТ” гэдгийг жинхэнэ утгаар нь таниулж, олон улсын жишигт нийцсэн үйлчилгээ, шинэлэг байдал, шинэхэн бүтээгдэхүүнээрээ монголчуудын дотно түнш болоод байгаа “Имарт” хайпермаркетийн залуус монгол түмний сар шинийн баярыг тохиолдуулан нэгэн аяныг зохион байгуулж байна.
“Итгэл найдвараа хуваалцъя” сайн үйлсийн аяны хүрээнд ажилчид цалингаасаа хандивлан, мөн Имартын удирдлагын баг дэмжин, Баянзүрх, Баянгол, Сүхбаатар, Сонгинохайрхан дүүргийн 22 ахмадад тус бүрт нь 500 ширхэг, нийт 11 мянган буузыг өөрсдийн гараар бэлтгэн өнөөдөр түгээж эхэлжээ.
Имарт нь “Итгэл найдвараа хуваалцъя” аяныг сар бүр уламжлал болгон зохион байгуулдаг бөгөөд өнгөрсөн сард амьжиргааны түвшин доогуур амьдралтай айл өрхүүдэд утаагүй түлш, цахилгаан халаагуур бэлэглэсэн аж.
Энэхүү сайн үйлсийн аян нь бусад албан байгууллага, аж ахуйн нэгжүүдэд үлгэр жишээ болох нь дамжиггүй юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.