Өчигдөр УИХ-ын гишүүн Ж.Батзандан нарын жагсагч гишүүд мэдээлэл хийхдээ “дараагийн УИХ-ын даргаар Д.Хаянхярвааг тавихгүй бол Ерөнхийлөгчийн өргөн барьсан хуулийг хэлэлцэхгүй гэж шантаажилж байна” гэсэн утгатай зүйл ярьсан билээ.

Тэгвэл энэ асуудалд УИХ-ын гишүүн Д.Хаянхярваа өөрийн байр сууриа илэрхийллээ. Тэрээр санал тавьсан ч УИХ-ын дарга болохгүй гэлээ.

Д.Хаянхярваа:

Цаашид нийгмийг турхирсан буруу зөрүү мэдээллүүд битгий өгөөд байгаарай. Би хурлын дарга болох ямар ч бодолгүй. Санал тавьсан ч болохгүй гэдгийг хариуцлагатайгаар мэдэгдье. Гурав, гурван хүн хүнтэй ажлын хэсэг гараад ажиллаж байгаа л гэсэн. Ажлын хэсэг эв зүйгээ олоод цаашаа хөдөлье гэвэл боломжтой бүх санал дээр хоёр гараа өргөнө.

 

---