ШУУД: Талбай дээр жагсагчид гэрээ барьж байна
ШУУД: МАНАН дэглэмийн эсрэг жагсагчид өнөөдрийн жагсаалын араас тарахгүйгээр үргэлжлүүлэн суулт хийнэ гэдгээ мэдэгдэж байсан билээ. Тэгвэл яг одоо /2019-01-10 ны 21:15 цаг/ жагсаал зохион байгуулагчдийн зүгээс цоо шинэ гэрүүдийг авчран төв талбайн өмнөх автомашины зогсоол дээр барьж эхэлжээ.
Одоогийн байдлаар 20 гаран гэр барьжээ. Гэрүүд дотроо ямар ч шалгүй, талбайн цементэн дээр шууд босгожээ.
Жагсаал зохион байгуулагчид өчигдөрийн байдлаар талбайд гэр барих зөвшөөрөл аваагүй байсан юм. Тэдний энэ үйлдэл хууль зөрчсөн эсэхийг ЦЕГ-ын Хэвлэл мэдээллийн төвийн дарга, дэд хурандаа Б.Баатархүүгээс тодруулахад: “Өчигдөр жагсаалын үеэр гэр барих зөвшөөрөл аваагүй байсан. Гэхдээ өнөөдөр Хотын захиргаанаас жагсаалын үеэр Сүхбаатарын талбайд гэр барих зөвшөөрөл авсан” гэсэн юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.