ШУУД: Хөдөө орон нутгаас ирэх хавдартай өвчтөнүүдэд үйлчлэх төв нээгдлээ
Хөдөө орон нутгаас ирсэн хавдартай өвчтөнүүдийг нийслэл хотод эмчилгээ хийлгэх хугацаанд тохь тухтай байранд байрлуулах, өвчнөө даван туулах итгэл найдвар өгөх, тусламж дэмжлэг үзүүлэх зорилгоор хөдөө орон нутгаас ирсэн хавдартай өвчтөнүүдэд зориулсан анхны байрыг Хавдрын үндэсний зөвлөл НҮТББ, хандивлагчдын хамтаар бүтээн босголоо.
Нэг дор нийт 30 гаруй өвчтөн, асран хамгаалагч нарыг түр байрлуулах "Дарь эхийн өргөө" нь гал тогоо, амралтын өрөө, урлагийн сэтгэл заслын өрөө, өвчтөн болон асран хамгаалагч нар байрлах нийт 14 өрөөтэй ажээ.
Орон нутгаас хотод эмчилгээ хийлгэж буй хүмүүсийн хамгийн тулгамдсан асуудлуудын нэг нь хотод байрлах орон байрны асуудал болохыг Хавдрын үндэсний зөвлөл байгууллагаас 2016 ба 2018 онд хийсэн хоёр удаагийн судалгаагаар тогтоосон, тухайлбал хавдартай орон нутгийн өвчтөнүүдийн 70 хувь нь санхүү хөрөнгө мөнгөтэй холбоотой байр орон сууцны бэрхшээлтэй тулгардаг тухайгаа дурьдсан байдаг.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.