Хятад анх удаа Америкийн автомашины зах зээлд өрсөлдөнө

Америкийн автомашины зах зээл жилд дунджаар 17,2 сая ам.доллараар өсдөг. Хятадад үйлдвэрлэсэн автомашин урьд өмнө нь энэ зах зээлд нэвтэрч байгаагүй.

1970-аад онд Японы “Тоёота”, 1980-аад онд Солонгосын “Хюндай” Америкийн зах зээлд орж иржээ. Тэд хямд үнэтэй, чанартай бүтээгдэхүүнээрээ хүч түрэн Нэгдсэн улсын үйлдвэрлэгчдийг шахаж чадсан.

Хятадын “Чианту Мотор” компани Америкийн зах зээлд хүч түрэх анхны автомашинаа үйлдвэрлэхээр болжээ. “Чианту” 2020 онд К50 нэртэй спорт загварын цахилгаан автомашинаа үйлдвэрлэнэ. Тансаг зэрэглэлд багтах автомашиныг Хятадын “CH-Auto” компани Умард Калифорнийн гарааны бизнес эрхэлж буй “Муллен технологи”-той хамтран үйлдвэрлэж, угсрах юм байна. Өөрөөр хэлбэл Хятадад үйлдвэрлэсэн сэлбэгээр Америкт угсарна.

Энэ бол хэдий нь байр сууриа олсон “Тесла” компанийн Roadster, Model S, Model 3 зэрэг ижил загварын автомашинуудтай өрсөлдөх хүндхэн шалгуур юм. 2018 оны гуравдугаар улирлын мэдээгээр Model 3 загварын цахилгаан машин хамгийн их борлуулалттай суудлын автомашинуудын нэг байжээ.

Эх сурвалж: www.qz.com