ВИДЕО: Монгол тулаанч Японы аваргыг "нам цохьсон" тулааны бичлэг
Япон улсад Ази тивийн шилдэг тулаанчид оролцож буй "King of Knock Out 2018" тэмцээнд Монгол улсаас Б.Алтандөлгөөн оролцож байна. Тэрээр эхний тулааны 2018 оны 12 сарын 09 өдөр Японы кикбоксын шилдгүүдийн нэг болох Ёота Шигэморитой тулалдан ялалт байгууллаа. Тэмцээний дүрэм ёсоор 3 минутаар 5 үе тулалдах байсан хэдий ч манай тамирчин хоёрдугаар үе дээр өрсөлдөгчөө хүнд цохилтоор буулган авлаа.
.jpg)
Ёота Шигэмори нь мэргэжлийн рингэнд нийт 30 тулаан хийж 24 тулаанд ялалт, 4 тэнцээ, 2 ялагдал хүлээсэн ба 12 тулаанд нь өрсөлдөгчөө хүнд цохилтоор буулган авсан амжилттай байгаа тамирчин юм. Б.Алтандөлгөөний хувьд 10 тулаанд орж 10 ялалт байгуулсан тамирчин юм. Таеквондо суурьтай тамирчин бөгөөд Шинобу файт тэмцээний -60кг жингийн аварга тамирчин юм. Тэрээр ийнхүү эхний тулаанд ялалт байгуулснаар цааш хагас шигшээд Японы Knockout холбооны бас нэгэн аварга Тайланд улсын тамирчинтай 2019 оны 2 сарын 11 өдөр тулалдах юм.
Б.Алтандөлгөөний тулааныг бүрэн эхээр нь хүргэж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.