Манай улсын мөнхийн хоёр хөршийн нэг БНХАУ эдийн засгийн шинэчилсэн нээлттэй бодлого хэрэгжүүлээд 40 жилийг ардаа үджээ. 1978 ны 12 дугаар сарын 18-ны өдөр Хятадын дарга Дэн Сяопин Коммунист намын бүгд хуралдаан дээр эдийн засгийн нээлттэй, шинэчилсэн бодлогыг танилцуулж, намын гишүүд баталж байсан юм.

Энэ өдрөөс хойш их гүрний үе үеийн удирдагчид эдийн засгийн нээлттэй бодлогыг хэрэгжүүлж, өнөөдөр Хятад эдийн засгаараа дэлхийд АНУ-ын дараа орох хоёр дахь хүчирхэг зах зээл болон хөгжжээ. Хятадад долларын тэрбумтнууд 620 бүртгэгдсэн ч улсын 80 сая гаруй хүн ам өдөрт хоёр доллараас бага өртгөөр амь зууж байна.

Өнөөдөр нийслэл Бээжин хотод Ардын их хурлын танхимд эдийн засгийн нээлттэй бодлого хэрэгжүүлж эхэлсний 40 жилийн ойг тохиолдуулн Хятадын дарга Си Зиньпин тэмдэглэлт илтгэл тавилаа. Мао Зэдун даргаас хойш хамгийн хүчирхэг удирдагчаар нэрлээд буй Си Зиньпиний Ардын их хурлын танхимд тавьсан илтгэлээс хураангуйлан хүргэе.

 

 

Си Зиньпин:

"40 жилийн өмнө санаачилсан эдийн засгийн шинэчилсэн, нээлттэй бодлого бол хятадын ард түмэн төдийгүй Хятад гүрний түүхэн дэх агуу өөрчлөлт байсан юм. Бид энэ хугацаанд 740 сая иргэнээ ядуурлаас гаргаж, ядуурлыг 94 хувиар бууруулсан. Түүнчлэн шинэ үеийн Хятадыг хөгжүүлж таниулж чадсан юм.

Хятадын хөгжил дэлхий дахины энх тайван, хөгжлийн тулгуур болж чадав. Гэхдээ намын удирдлагыг цаашид тогтвортой хөгжүүлж, хүчирхэгжүүлэх хэрэгтэй. Ард иргэдийн амьдралыг сайжруулахын тулд үргэлжлүүлэн хүчин чармайлт гаргана.

Бид Хятадын онцлогтой социализмыг бүрдүүлж, хөгжүүлэхээ үргэлжлүүлэн хичээх хэрэгтэй. Мөн дэлхий дахинд илүү нээлттэй байх нь чухал. Хятад дэлхийн нийтгүйгээр хөгжихгүй, дэлхий дахины хөгжилд Хятад хэрэгтэй."

 

 

 

Эх сурвалж: www.aljazeera.comь, www.chinadaily.com.cn

---