Канад улсын элчин сайд Хятадад баривчлагдсан иргэдтэйгээ уулзжээ
Канад улсын Засгийн газар Хятадын технологийн тэргүүлэгч компани “Huawei”-н санхүү эрхэлсэн гүйцэтгэх захирал Мэн Ванжоуг баривчилсны дараа Бээжингийн эрх баригчид канад иргэдийг баривчлан саатуулаад байгаа.
Өнгөрсөн амралтын өдрүүдэд Канад улсаас Хятадад суугаа бүрэн эрхт элчин сайд Жон МакКаллум баривчлагдсан иргэд Майкл Спаров, Майкл Ковриг нартай уулзжээ. Элчин сайд иргэддээ туслахын тулд бүх арга замыг хайж байгаа гэдгээ мэдэгдсэн байна.
/https://www.thestar.com/content/dam/thestar/opinion/2018/12/11/my-friend-michael-kovrig-was-arrested-in-china-i-beg-you-to-pay-attention/_8.jpg)
Мэн Ванжоуг Канадын эрх баригчид батлан даалтанд сулласан хэдий ч хэргийг нь АНУ-ын Засгийн газарт шилжүүлэх эсэхээр хэлэлцэж байгаа. Хэрэв түүнийг суллахгүй бол Бээжингийн зүгээс хүндхэн нөхцөл байдал үүснэ гэж канадын эрх баригчдад анхааруулсан.
Оттавагаас Ванжоугийн баривчилгаа ямар нэг улс төрийн сонирхолтой холбоогүй гэсэн тайлбарыг өгсөн. Америкийн Засгийн газар “Huawei”-н охин компанийг Ираны эсрэг тавьсан хоригийг зөрчсөн гэж буруутгаад байгаа юм.
Канадын Ерөнхий сайд Жастин Трюдоу үүссэн нөхцөл байдлаас шалтгаалж Хятад-Канадын хооронд худалдааны дайн гарч болзошгүй гэжээ. Хятадад үйл ажиллагаа явуулдаг Канадын компаниудад одоогоор ямар нэг дарамт шахалт ирээгүй байна.
Өнгөрсөн долоо хоногт “Canada Goose” компани Бээжинд шинэ дэлгүүрээ нээх ёстой байсан ч барилгын ажил дуусаагүйгээс болж хойшлогджээ.
Эх сурвалж: www.theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.