БНХАУ-ын Гуанжу хотноо жүдо бөхийн Мастерс-2018 тэмцээний хоёр дахь өдөр хүнд жингийн барилдаануудаар үргэлжлэн явагдаж байна.

Эрэгтэйчүүдийн -100кг жинд ОУХМ Л.Отгонбаатар эхний тойрогт гоц мөргөж хоёрдугаар тойрогт дэлхийн аваргын алт, мөнгө, хүрэл медальт ОХУ-ын Иляасов Ниязтай урамтай сайхан барилдан торгуулиар цэвэр ялсан. 

D хэсгийн аваргын төлөө Японы Ийда Кентарог ялан хагас шигшээд шалгарсан.

Яг одоо Л.Отгонбаатар хагас шигшээд дэлхийн аваргын хүрэл медальт Египт улсын жүдоч Дарвиш Рамадантай барилдана.  

Л.Отгонбаатар 2500 оноотойгоор дэлхийн чансааны 17-д эрэмблэгдэж байгаа бол Египт улсын жүдоч Дарвиш Рамадан 3162 оноотойгоор дэлхийн чансааны 11-т эрэмблэгдэж байгаа шилдэг жүдоч юм. Хоёр жүдоч хоорондоо нэг удаа хоорондоо учраа таарч Л.Отгонбаатар ялж байсан юм

Шууд үзэх:

Хэрэв та уг барилдааныг үзэж амжаагүй бол шууд дамжуулалтын видеог ухраан нөхөж үзэх боломжтой юм. 

---