“Canada Goose” брэнд нэрнээсээ болоод үнэ цэнээ алдав уу?
Канад, Хятад улсуудын харилцаанд сэв суулгасан үйл явдлууд болж өнгөрсний дараа “Canada Goose” брэндийн гадуур хувцас үнэ цэнээ алдаж болзошгүй гэжээ.
Канадын засгийн газар Америкийн хүсэлтээр Хятадын технологийн тэргүүлэгч компани “Huawei”-н санхүү эрхэлсэн дэд захирал Мэн Ванжоуг баривчилсны дараа Хятадын иргэд Канад гэсэн нэрийг эсэргүүцэх болсон байна.
Мэн Ванжоуг батлан даалтанд суллаад байгаа ч Хятадын Weibo цахим хуудсанд Канад гэсэн үг орсон брэндүүдийг эсэргүүцсэн нийтлэлүүд гарчээ. Өөрөөр хэлбэл Канадын эсрэг үзэл гарах болсон байна.
Weibo-ын хэрэглэгч “Бид Canada Goose брэндийг хүлээн зөвшөөрч чадахгүй” гэж бичсэн бол өөр нэг хэрэглэгч “Канадыг эсэргүүцэж байна” гэжээ.
Хятадын Хонконг, Бээжинд “Canada Goose” брэндийн дэлгүүрүүд байдаг. Дунджаар 1,750 ам.долларын үнэтэй.
Хятадууд нэр хүндтэй брэндүүдийг эсэргүүцэх нь ховор үзэгдэл биш юм. Хамгийн сүүлд D&G брэндийг эсэргүүцэж Шанхайд зохион байгуулахаар төлөвлөсөн байсан загварын шоуг цуцлуулсан.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.