В.Путины зүүн Германд алба хааж байх үеийн ажлын үнэмлэх олджээ

ОХУ-ын Ерөнхийлөгч Владимир Путин 1980-аад оны үед ЗХУ-ын КГБ-ын тагнуулын албанд зүтгэж байснаараа бахархдаг хэмээн ярьжээ. Ерөнхийлөгчийн Зүүн Германы Дресден хотод Стаси буюу Үндэсний аюулгүй байдлыг хамгаалах нууц албанд байх үеийн ажлын үнэмлэх олдсон байна.

Дресден хотын цагдаагийн нууц архивт КГБ болон Стасигийн хамтын ажиллагааны талаарх баримт материалуудыг хайж байхдаа уг үнэмлэхийг олжээ. Путин 1985 онд Дресден рүү явж байсан ч тэнд тагнуулчийн үүрэг гүйцэтгэж байсан эсэх нь эргэлзээтэй байдаг байна.

Стасигийн зүгээс “Ноён Путин хоёр орны тусгай хүчний хамтын ажиллагаанд үүрэг гүйцэтгэж байсан учраас үнэмлэх олгож байсан” хэмээн мэдэгджээ.

Уг ажлын үнэмлэх дээр Оросын төрийн тэргүүн 1952 онд Ленинградад төрсөн ба 33 настайдаа Зүүн Германы Үндэсний Аюулгүй байдлыг хамгаалах яам буюу Стасигаас үнэмлэх авсан байна. Түүнийг Дресденд алба хашиж байхад хоёр охин нь төржээ. Одоо Ерөнхийлөгч 66 настай.

Стасид ажиллаж байхад нь гурван сар тутамд тамга дарж хугацааг нь сунгажээ. 1989 онд ардчиллыг дэмжсэн жагсаал болж Зүүн Германы дэглэм нуран унасан. Путин үнэмлэхээ яагаад энд үлдээсэн нь тодорхойгүй ажээ.

Тэрээр Дресден хотод алба хааж байхдаа дэд хурандаа цол нэмж, ардчиллын төлөө иргэдийн бослогын дараа Бүгд Найрамдах Ардчилсан Герман улсын хүрэл медалиар шагнуулсан юм. Эх нутагтаа эргэн ирж Холбооны Аюулгүйн хүчний даргаар дэвшин, 2000 онд Ерөнхийлөгч болжээ.

BBC агентлагийн мэдээлснээр КГБ болон Стасигийн хооронд байгуулсан маш нууц хэлэлцээрт КГБ-ын холбооны 30 офицер зүүн Германы Стасид алба хаасан байна.

Дресден хот дахь КГБ-ын байр

Эх сурвалж: www.bbc.com