🔴Т.Аукабир: Ажлын байран дээрээ архидан согтуурсан хоёр албан тушаалтанг ажлаас нь чөлөөлсөн

Цэргийн баярын өдрөөр зарим агентлаг дээр архидан согтуурсан зөрчил гарсантай холбогдуулан хариуцлагын арга хэмжээ авчээ. Тодруулбал, ажлын байран дээрээ архидан согтуурч, зүй бус үйлдэл гаргасан хоёр ажилтныг энэ сарын 19-ний өдөр үүрэгт ажлаас нь чөлөөлсөн байна. Уг явдлыг төрийн албан хаагчийн ёс зүйн хэм хэмжээг ноцтой зөрчсөн үйлдэл гэж үзжээ.

Тухайн үед агентлагийн удирдлагууд Төв аймагт албан ажлаар явж байсан бөгөөд оройн 20:00 цагийн орчимд ирсэн байна. Хэвлэл мэдээллийн байгууллагын ажилтан өрөөний түлхүүрийг коридорт байсан хүнээс авч, өрөөг онгойлгон орсноор уг зөрчил ил болжээ. Албаны эх сурвалжийн мэдээлснээр, тухайн үед олон хүн цуглаж архидаагүй бөгөөд гаднаас баяр тэмдэглэж орж ирсэн хоёр ажилтан байсан гэв.

Засгийн газраас төрийн албан хаагчдын ёс зүйг сайжруулах чиглэлээр өгсөн үүрэг даалгаврын дагуу салбар яамнаас бүх шатны нэгжүүдэд чиглэл хүргүүлээд байсан юм. Энэхүү явдлын дараа ажлын байрны сахилга бат, ёс зүйн хариуцлагыг чангатгах үүргийг дахин өгчээ.

Агентлагийн дарга Т.Сэрээтэрийн хувьд тус албан тушаалд томилогдоод гурван сар орчим болж байгаа бөгөөд өмнө нь Чингэлтэй дүүргийн Хөдөлмөр, халамж үйлчилгээний газарт ажиллаж байсан юм.