🔴Д.Цогтбаатар: Ардчилсан намын гишүүд чуулгандаа суухгүй байх эрх нь байгаа

УИХ-ын гишүүн Д.Цогтбаатар АН-аас хэрэгжүүлж буй парламентын бойкотыг ардчилсан нийгэмд байх ёстой улс төрийн тэмцлийн нэг хэлбэр хэмээн тодорхойллоо. Тэрээр хэлэхдээ, цөөнхийн бүлэг хуулиар олгогдсон эрхийнхээ хүрээнд акц хийж байгааг хүндэтгэх ёстой бөгөөд хэрэв чуулганы ирц бүрдэхгүй байгаа бол асуудал зөвхөн АН-д биш, эрх баригч тал эв нэгдлээ хангаж чадахгүй байгаад оршиж байна гэв.

Түүний үзэж байгаагаар, АН-ын гишүүд бол ард түмнээс сонгогдсон мандаттай төлөөлөгчид тул тэдний тавьж буй шаардлагыг үл тоомсорлож болохгүй. "Та наргүйгээр ажлаа явуулчихна" гэсэн байр сууринаас хандах нь буруу бөгөөд харин ч яриа хэлэлцээг илүү идэвхтэй өрнүүлэх шаардлагатайг онцоллоо. Өмнө нь ижил төстэй нөхцөл байдал үүсэж байсан ч өнөөдрийн хууль эрх зүйн орчинд асуудлыг баримжаагаар биш, зөвхөн хуулийн хүрээнд шийдвэрлэх ёстойг тэрээр сануулсан юм.

Ерөнхийлөгчийн санаачилсан хариуцлагыг чангаруулах тухай хуулийн төслийн тухайд, энэ нь зөвхөн төрийн тэргүүний хүсэл биш, олон нийтийн дунд үүсээд буй хүлээлт гэдгийг тэмдэглэв. Гэхдээ уг хуулийг батлах эсэх нь УИХ-ын бүрэн эрхийн асуудал бөгөөд төсөлд тусгагдсан зарим заалт нь парламентын дархлаанд сөргөөр нөлөөлөх, эрсдэл учруулах магадлалтай байгааг анхаарууллаа. Тиймээс зарим заалтыг эргэж харж, тал бүрээс нь нухацтай хэлэлцэх шаардлагатай гэж үзэж байна.