🔴С.Зулпхар: УИХ-ын гишүүдэд хариуцлага тооцож, эгүүлэн татах хуулийн төслийг дэмжиж байгаа

УИХ-ын хаврын чуулганы нээлтийн үеэр Монгол Улсын Ерөнхийлөгч УИХ-ын гишүүнд хариуцлага тооцох тухай хуулийн төслийг өргөн барьснаа мэдэгдэж, байр сууриа илэрхийлсэн. Тэрбээр нийгэмд шударга ёсны хүсэмжлэл их байгааг онцолж, төрийн албан хаагчид, тэр дундаа улс төрийн өндөр албан тушаалтнууд ёс зүйтэй, хариуцлагатай байх ёстойг тэмдэглэсэн юм. Энэхүү хуулийн төсөл нь засаглалын хариуцлагыг чангатгаж, иргэдийн төрд итгэх итгэлийг сэргээх зорилготой аж.

Хуулийн төсөлтэй холбогдуулан УИХ-ын гишүүн С.Зулпхар байр сууриа илэрхийллээ. 

Гишүүдийн зүгээс уг төслийг ерөнхийд нь дэмжиж байгаа бөгөөд нийгмийн зүгээс төрийн өндөр албан тушаалтнуудын сахилга бат, ёс суртахуунд тавих шаардлага өндөр байгааг хүлээн зөвшөөрч байна. Улс төрийн үйл явц болон засаглалын өнөөгийн нөхцөл байдалтай уялдуулан энэхүү хуулийг нухацтай хэлэлцэх шаардлагатай гэж үзэж байгаа юм.