Шинэ цагийн хүчтэнүүдийн өрсөлдөөн бүхий Хару башё эхэллээ

Мэргэжлийн сумо бөхийн Харү башё Осака хотын "Эдион Арена" ордонд эхэллээ. 

Сүмогийн түүхэн дэх шинэ үеийн хүчтэнүүдийн өрсөлдөөн дээд цэгтээ хүрсэн Харү башё тун сонирхолтой, олны анхаарлын төвд ороод байна. 2026 оны Харү башёгийн онцлог:

• Украин Озеки Аонишикигийн "Ёкозүна" болох боломж: Өнгөрсөн 1 дүгээр сарын Хацү башёд түрүүлсэн шинэ Озеки Аонишики энэ тэмцээнд дараалан түрүүлж, түүхэн дэх хамгийн богино хугацаанд Ёкозүна цолд хүрэх зорилт тавин барилдаж байна. Тэрээр эхний өдөр Комүсүби Вакамотохарүг давж башёг амжилттай эхлүүлсэн.

• Хоёр Ёкозүнагийн өрсөлдөөн: Сүмогийн ертөнцөд одоогийн байдлаар Хошорюү С.Бямбасүрэн болон Оносато гэсэн хоёр хүчирхэг Ёкозүна ноёрхож байгаа бөгөөд тэдний хэн нь энэ тэмцээнд илүүрхэх нь олны анхаарлын төвд байна. Эхний өдрийн барилдаанд Хошорюү С.Бямбасүрэн Комүсүби Атамифүжиг давсан бол Оносато аварга маэгаширагийн 1-ээс барилдаж буй Вакатакакагед өвдөг шороодлоо. 

• Озеки цолны төлөө хүч үзэж буй Сэкивакэ Киришима Б.Лхагвасүрэн: Киришима энэ башёд маш сайн формтой ирсэн бөгөөд эхний өдөр Фүжинокаваг гайхалтай шидэлтээр ялж, Озеки цолоо эргүүлэн авахын төлөөх барилдаанаа хүчтэй эхлүүллээ.