НИТХ-ын дарга А.Баяр сар шинийн өдрүүдэд төр, хувийн хэвшил, аж ахуйн нэгж хашаа, зогсоолоо нээж, түр зогсоол гаргахыг уриаллаа
“Сүрээр дарагч” Гал морин жилийн Сар шинийн баярыг тохиолдуулан Баянзүрх дүүргийн нутаг дэвсгэрт үйл ажиллагаа явуулдаг 4700 орчим аж ахуйн нэгж, төр, хувийн хэвшлийн байгууллага, айл өрхийг “Хашаагаа нээе” санаачилгад нэгдэхийг Нийслэлийн ИТХ-ын дарга А.Баяр уриалжээ.
Сар шинийн баярын өдрүүдэд золголт хийхээр зорчих иргэдийн хөдөлгөөн нэмэгдэж, гэр хорооллын нарийн гудамж, зогсоол багатай орон сууцны хорооллуудад автомашины ачаалал эрс өсдөг. Үүний улмаас авто замын түгжрэл нэмэгдэх, иргэдийн зорчих хөдөлгөөн саатах нөхцөл үүсдэг.
Иймд нийслэлийн 9 дүүргийн төрийн болон хувийн хэвшлийн байгууллага, аж ахуйн нэгж, айл өрхүүд хашаа, талбайгаа нээж, автомашины түр зогсоол гаргах, иргэдийн зорчих урсгалыг саадгүй болгох замаар баярын өдрүүдийн замын ачааллыг бууруулахад идэвхтэй оролцохыг уриалж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.