🔴Т.Аубакир: Тэтгэвэр нэмэх асуудлыг энэ сарын 31-ний дотор шийднэ
Тэтгэвэр нэмэх асуудлаар Гэр бүл, хөдөлмөр, нийгмийн хамгааллын сайд Т.Аубакир мэдээлэл өглөө.
УИХ-ын гишүүн, ГБХНХ-ын сайд Т.Аубакир:
-Тэтгэврийн асуудлыг 12 дугаар сарын 31-ний хуралдаанаар шийдвэрлэж, хэрэгжилт 2026 оны 1 дүгээр сарын 1-нээс эхэлнэ.
Цалингийн асуудлаар Ерөнхий сайд тодорхой үүрэг чиглэл өглөө. Улсын төсвийг батлахад багш, эмч нарын цалинг тодорхой хувиар нэмсэн. Үүний цаана бусад салбарын асуудал бий. Тэгвэл төсвийн байгууллагуудад хэмнэлт хийж, замбараагүй зардлаа бууруулан, цомхотголоо зөв хийж, чиг үүргийн давхцалыг арилган, бүтээмж дээр үндэслэн цалин тогтоох чиглэл өгсөн. Үүнийг мөн 12 дугаар сарын 31-ний хуралдаанаар оруулж ирнэ.
Баян-Өлгий болон Сүхбаатар аймагт нийт 940 нэр, нэршил УИХ-аар батлагдаагүй, шинэ нэр өгсөн байсан. Сүхбаатар аймагт 14 орчим уулын нэр өөрчлөгдөж, 47 орчим газар усны нэр монгол хэл бичгийн алдаатай тэмдэглэгдээд явж байгаа юм байна. Мөн Баян-Өлгийд зарим уул усны нэр цагийн аясаар өөрчлөгдсөн. Олон үндэстэн амьдарч байгаа учир анх оноосон нэрс дуудлагаар өөрчлөгдөөд явж байгааг журамд оруулсан. Ер нь Монгол Улсын хэмжээнд газар, ус, уулын нэрс байнга өөрчлөгдөж байгааг цэгцэлж байгаа юм.
Дэд сайдуудын асуудал яригдаагүй. Дэд сайдууд хэвээрээ, хуулийн дагуу ажиллана гэлээ.
Сэтгэгдэл (5)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.