Жүжигчин Том Круз анх удаа Оскарын хүндэт шагнал хүртлээ

Америкийн алдарт жүжигчин Том Круз 2025 оны 11 дүгээр сарын 16-нд Калифорни мужийн Холливуд дахь Рей Долби танхимд зохион байгуулагдсан 2025 оны Губернаторын шагналын ёслолд оролцож, Оскарын хүндэт шагнал хүртлээ.

Энэхүү шагнал нь түүний 45 жилийн турш кино урлагт оруулсан онцгой хувь нэмрийг үнэлэх зорилготой юм. Кино урлагийн шинжлэх ухаан ба урлагийн академийн зохион байгуулсан энэ арга хэмжээнд Том Круз анх удаа Оскар авчээ.

Шагнал хүлээн авах үеэрээ сэтгэл хөдлөлөөр дүүрэн үг хэлсэн Круз "Кино хийх ажил мэргэжил биш. Харин өөрийн амьдралын нэг хэсэг" гэж онцлон тэмдэглэжээ. Тэрээр кино урлагт хамтран ажилладаг баг, хамтрагч нартаа талархал илэрхийлж, "кино бүтээлүүд хүмүүсийг нэгтгэх хүчтэй" гэдгийг онцлолжээ. Түүний энэ үг нь кино урлагийн нийгмийн ач холбогдлыг тодорхойлсон юм.

63 настай Круз өмнө нь дөрвөн удаа Оскарт нэр дэвшиж байсан ч ялагч болж байгаагүй. Тэрээр "Дөрөвдүгээр сарын 4-ний өдөр" болон "Жерри Магуайр" кинонуудаараа шилдэг эрэгтэй дүрийн номинацид гурван удаа, "Магнолия" киногоороо шилдэг туслах дүрийн ангилалд нэг удаа нэр дэвшсэн байв. Хүндэт Оскар нь түүний бүтээлээс үүдэн кино салбарт үзүүлсэн нөлөөг тодотгож, өнгөрсөн амжилтуудыг нэгтгэн үнэлэх боломж олгосон юм.

Энэ ёслолд бусад алдартнууд ч хүндэт шагнал хүртсэн бөгөөд үүнд дуучин Долли Партон, найруулагч Дебби Аллен болон продакшны дизайнер Винн Томас нар багтана. Эдгээр шагналууд кино урлаг, тоглолт, продакшны салбарт оруулсан хувь нэмрийг тэмдэглэх зорилготой. Крузын шагнал нь түүний "Биелэгдэшгүй даалгавар", "Top gun" зэрэг хит бүтээлүүдийн амжилтыг сануулан, түүнийг дэлхийн кино урлагийн нэгэн бэлгэ тэмдэг болгож байна.

Том Крузыг хүндэт шагналаар шагнах нь кино урлагийн түүхэнд чухал үйл явдал болж, залуу урчуудад урам өгөх болно. Энэ шагнал түүний ирээдүйн бүтээлүүдэд шинэ эрч хүч өгөх магадлалтай бөгөөд тэрээр одоо "Биелэгдэшгүй даалгавар-8" кинон дээрээ ажиллаж байгаа юм. 

Эх сурвалж:

• https://people.com/tom-cruise-honorary-oscar-at-2025-governors-awards-11850067

• https://variety.com/2025/awards/news/tom-cruise-honorary-oscar-speech-1236583348/

• https://en.wikipedia.org/wiki/List_of_awards_and_nominations_received_by_Tom_Cruise

• https://www.nytimes.com/2025/11/17/movies/governors-awards-2025-tom-cruise.html

• https://deadline.com/2025/11/tom-cruise-oscar-governors-awards-gala-in-hollywood-1236619935/