ТББХ: Ерөнхий сайдыг огцруулах саналыг 11 цагт хэлэлцэж эхэлнэ

Төрийн байгуулалтын байнгын хорооны хуралдаан өнөөдөр /2025.10.13/-нд 11.00 цагаас хуралдах тов тогтоод буй.  Тус байнгын хорооны хуралдаанаар Ерөнхий сайд Г.Занданшатарыг огцруулах эсэх асуудлыг хэлэлцэнэ. 

УИХ-ын гишүүн П.Сайнзоригийн албан бланк дээр Ерөнхий сайдыг огцруулах бичигт 50 гаруй гишүүн гарын үсэг зурж, УИХ-д өргөн барьсан байдаг. Тиймээс өнгөрсөн Баасан гаригт /2025.10.10/ ТББХ-ны хуралдаанаар Ерөнхий сайдыг огцруулах асуудлыг хэлэлцэж, УИХ-ын гишүүд Монгол Улсын Ерөнхий сайд, УИХ-ын гишүүн П.Сайнзориг нараас асуулт асууж, байр сууриа илэрхийлсэн юм. 

Ингээд ажлын цаг дууссан тул Байнгын хорооны дарга Ц.Сандаг-Очир хуралдааныг түр завсарлуулж, ирэх долоо хоногийн Даваа гарагт үргэлжлүүлэхээр болсныг мэдэгдсэн юм.