🔴LIVE: Б.Баасандорж: Засгийн газрыг огцруулах асуудал маргааш чуулганы хуралдаанаар хэлэлцэнэ

УИХ-ын ЕНБД Б.Баасандорж мэдээлэл өглөө. Засгийн газрыг огцруулсан асуудлыг Үндсэн хуульд заасны дагуу маргаашийн УИХ-ын чуулганаар хэлэлцэх товтой байна. 

УИХ-ын ЕНБД Б.Баасандорж: 

-УИХ-ын даргын дэргэдэх зөвлөл хуралдаад, маргаашийн чуулганы хуралдааны хэлэлцэх асуудалд өөрчлөлт оруулсан. Ингээд маргааш өглөө 08:30 цагаас Төрийн байгуулалтын байнгын хороо хуралдаж, П.Сайнзориг нарын нэр бүхий 50 гаруй гишүүнээс албан ёсоор тавьсан саналыг хэлэлцэнэ. Энэ хуралдаанаас санал дүгнэлтээ гаргах юм бол 10:00 цагаас чуулганы нэгдсэн хуралдаанаар Ерөнхий сайдыг огцруулах эсэх асуудлыг хэлэлцэнэ.

ХЗДХ-ийн сайдаар Б.Энхбаярыг томилох асуудлаар УИХ-ын даргын дэргэдэх зөвлөл өчигдөр хуралдсан. Монгол Улсын Ерөнхий сайдыг огцруулах эсэх асуудлыг албан ёсоор тавьсан учраас МАН-ын бүлгийн даргаас санал оруулаад, томилох эрх бүхий Ерөнхий сайдын асуудлыг шийдсэний дараа Засгийн газрын гишүүнийг томилох, огцруулах эсэхийг шийдэх нь зүйтэй үзэн, дараа долоо хоног хүртэл хойшлуулах санал гаргасан гэв.