Цагдаа болон Онцгой байдлын байгууллагын мэдээлэл зөрөв

Хэрэг зөрчил 2025/09/26 08:45 Ш.Лхагва

Хөвсгөл аймагт алга болсон хоёр настай хүүгийн цогцсыг олсон талаар өчигдөр /2025.09.25/ өдрийн 17 цагийн орчимд Цагдаагийн Ерөнхий газраас мэдээлэл хийсэн билээ.

Энэ сарын 17-ны өдөр Хөвсгөл аймгийн Тариалан сумаас хоёр настай хүүхэд алга боллоо гэх мэдээлэл ирсэн. Өнөөдрийн /2025.09.25/ 16 цагийн орчимд хүүгийн цогцсыг алга болсон гэх газраас 3-4 км зайнаас оллоо. Тухайн орчны нөхцөл байдал модтой, тал хосолсон байдалтай орчин. Хүүгийн цогцос дээр үзлэг шалгалт хийгдэж байгаа тул ийм тийм байдлаар олдсон гэж дэлгэрэнгүй мэдээлж болохгүй байна. Ил харагдах шарх сорви гэх мэдээллийг мөрдөн шалгах ажиллагааны дараа хэлэх байх. Өмнөх эрэн хайх ажиллагаа ямар маршрутаар явсныг хэлэх боломжгүй байна. Ажиллагаанд оролцсон хэд хэдэн чиглэлүүдийг мэргэжлийн хүмүүс ахалж ажилласан гэх тун тойруу мэдээллийг өгсөн юм.

Гэтэл өчигдөр 18:00 цагийн үед Онцгой байдлын Ерөнхий газар албан ёсны цахим хуудастаа хүүгийн цогцсыг олсон талаар мэдээлэл оруулжээ. Ингэхдээ, Хөвсгөл аймгийн Тариалан сумын Баянхошуу багийн “Сайхан мод” гэдэг газраас сураггүй алга болсон бага насны хүүхдийг буцалтгүй нэрвэгдэгч болсон байхыг эрлийн багийнхан өнөөдөр/2025.09.25/-ийн 15:30 цагийн үед оллоо.

Тодруулбал, Эрэн хайх ажиллагаа явуулж байсан Онцгой байдлын байгууллагын алба хаагчид Тариалан сумын “Давааны ар” багийн нутаг Баянбэлчирийн даваа, Нялуугийн рашааны урд энгэрээс хүүхдийн цогцсыг олж, Цагдаагийн алба хаагчдад хүлээлгэн өгсөн байна. Тус газар нь сийрэг модтой, хүүхэд алга болсон цэгээс зүүн хойд зүгт явганаар шулуун явахад 9 км, бартаа саад ихтэй, автомашинаар явахад 18 км-ын зайтай, модтой, тал хосолсон байдалтай орчин газар гэв.

Эндээс хэд хэдэн зөрүүтэй мэдээлэл гарч байна. Цагдаагийн байгууллагын мэдээллээр бол хүүгийн цогцсыг цагдаа нар олсон мэт, мөн 16:00 цагийн орчимд хүүг олсон, анхны байршлаас 3-4 км газраас олсон, тус газар нь модтой, тал хосолсон байдалтай орчин гэх мэт ойлголт төрж буй бол ОБЕГ-ын мэдээллээр хүүгийн цогцсыг Онцгой байдлын аврагчид олж, цагдаа нарт хүлээлгэн өгсөн, олоход анхны байршлаас 9 км газарт байсан, сийрэг модтой газар байсан гэх.

Мөн 2 настай хүүхэд 9 км газар ганцаар туулж чадахгүй тул түүнийг хэн нэгэн авч яваад хаясан уу, энэ хэрэгт гадны нөлөө байгаа юу гэх мэт олон асуулт гарч ирж байгаа ч ЦЕГ хэргийн мөрдөн шалгах ажиллагаа үргэлжилж байна, хэзээ дүгнэлт гарахыг хэлж таашгүй гэх мэт тайлбарыг өгсөн нь анхаарал татаж байна.

Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

55555 1 цаг өмнө

Зураг дээр харуулсан тойрог бол Координатын буюу агаарын замыг ойролцоогоор харуулжээ. Өөрөөр хэлбэл дээрээс хиймэл дагуулын тусламжтайгаар харвал 3-5 км буюу нарийвчилбал 3км-ын радиуст, харин уулын даваа гүвээг тооцоод шулуунаар явган явбал 9 км, харин машинаар бартаа, шигүү мод, давааг тойрч явбал 18 км явах нь гэсэн энгийн зүйлийг ойлгочихвол мэдээлэл зөрүүтэй гэж хардах шаардлагагүй. Анх олсон нь ОБЕГазар 15.30-д, харин баталгаажуулж ЦЕГ-т мэдээлсэн нь 16.20 юм байнаа гээд ойлгочих. Харин олдсон газрын зураг дээрх цагаан цэг нь алга болсон газраас зүүн хойд зүгт юм байна гэдгийг зурагны зүүн дээд буланд байгаа зүг заасан тэмдэглэгээнээс хялбар ойлгож болно оо. Сэтгүүлчид минь жаахан мэдлэгээ нэм ээ.

Zochin 1 цаг өмнө

Яг үнэн гэхдээ сэтгүүлчид мэдлэгээ нэм Гэхдээ гүүгл зургын харахад алга болсон цэгээсээ зүүн хойшоо үсрээр 5 км газраас олдох шиг боллоо Гэхдээ 9 км гэдэг алдаа бх

Фак 1 цаг өмнө

Live TV танайх үнэн дүфф юмаа. Одоо монгрлчуудыг дахин талцуулах нь. Наа мэдээллээ устга. Энд нээх зөрүүтэй юм алга

Цагдаа болон Онцгой байдлын байгууллагын мэдээлэл зөрөв

Сэтгэгдэл (3)

Шинэ мэдээ

Энхтайваны гүүрнээс үсрэх гэж байсан 37 настай эмэгтэйг эсэн мэнд буулгажээ

🔴ЧУУЛГАН: Үндсэн хуулийн цэцийн дүгнэлтийг хэлэлцэж байна

Паркийн газар дээр авто угаалгын газар барихыг санаархаж, зөвшөөрөл хөөцөлдөж байна

Дэнжийн мянга орчимд 93 МВт хийн дулааны станцын барилгын ажлыг ирэх онд эхлүүлнэ

Чингэлтэй дүүргийн 4 дүгээр хороонд хороо, өрхийн эмнэлэг, цагдаагийн хэсгийн цогцолбор барилга ашиглалтад оров

Төв аймагт 35 настай эрэгтэй сураггүй алга болжээ

Цагдаа болон Онцгой байдлын байгууллагын мэдээлэл зөрөв

Баянхонгор аймгийн Заг суманд 3.7 магнитудын хүчтэй газар хөдлөлт болжээ

🔴Нийслэл хотын замын хөдөлгөөний нөхцөл байдлын мэдээ /08.30 цаг/

Ардын намын даргын сонгуулийн өмнө....

Нийт нутгаар цаг агаар тогтуун, өдөртөө дулаахан байна

Бямбасүрэнгийн Шаравын сор бүтээлүүдээр “Дуусашгүй…III” тоглолт болно

О.Сийлэгмаа: Б.Энхбаяр Боловсролын зээлийн сангийн үндсэн зээлээ төлсөн ч 32 000 ам.долларын хүүгээ төлөөгүй

ЦЕГ: Хүүгийн цогцос мод, тал хээр хосолсон газраас олдсон

🔴 LIVE: Сумо бөхийн Аки башё /12 дахь өдөр/

Их уншсан

Хүүгийн ээж С.Мягмарсүрэн: Зүүн хойд зүгээс эрэгтэй хүн тэврээд гараад ирэх юм шиг совин төрөөд байна

Д.Амарбаясгалан, Г.Занданшатар хоёрын нэг нь бямба гарагт Бага хурлаасаа МАН-ын даргаар сонгогдоно

Улсын начин Ө.Батзул агсны хэрэгт холбогдсон Ц.Отгонбатад хоёр жилийн хорих ял оноов

Б.Амарсайханыг Тайландын эмнэлгээс шилжүүлэн авчирсан ч цагдан хорьсонгүй

ЦЕГ: Хүүгийн цогцос мод, тал хээр хосолсон газраас олдсон

Эрэн сурвалжлагдаж байсан Хятад иргэн Монголд 15 жил нуугджээ

Ө.Батзул агсны ослын яллагдагч Ц.Отгонбатын шүүх хурал маргааш болно

“Цоохор ирвэс”-ийг хууль бусаар агнасан гэмт хэргийг илрүүлжээ

Хошорюү С.Бямбасүрэн аварга башёг ганцаараа тэргүүлсээр

Б.Гүнбилэг: Маш олон удаагийн сонгуулийн өмнө хэн нэгнийг сошиалаар “гөвж” шүүх, цагдаа нь тийм хэрэг огт болоогүй юм шиг өнгөрдөг

О.Сийлэгмаа: Б.Энхбаяр Боловсролын зээлийн сангийн үндсэн зээлээ төлсөн ч 32 000 ам.долларын хүүгээ төлөөгүй

Сураггүй алга болсон 2 настай хүүхэдтэй холбоотой мэдээллийг төлбөртэй авна

🔴Нутгийн иргэн Ц.Загирзүсэм: Халзан бүрэгтэйн төслийг дэмжиж байгаа олон мянган хүн орон нутагтаа байна

🔴 LIVE: Сумо бөхийн Аки башё /Найм дахь өдөр/

🔴Б.Бат-Эрдэнэ: Уул уурхайн төслүүдийн талаар иргэдэд буруу ойлголт өгч, улс төржүүлж, эдийн засгийг боомилж болохгүй