Э.Бат-Амгалан: Ипотекийн зээлийг 6-13 хувийн хүүтэй, бүсчилсэн байдлаар олгодог төлөвлөлт хийхээр ажиллаж байна

^{"Хөдөө орон нутагт орон сууц худалдан авч байвал Ипотекийн зээлийг 6 хувь гэж хатуу барихгүйгээр 6-13 хувийн хүүтэй, бүсчилсэн байдлаар олгодог төлөвлөлт хийхээр ажиллаж байна" гэж Хот байгуулалт, барилга, орон сууцжуулалтын сайд Э.Бат-Амгалан хэллээ.} 

^{Хот байгуулалт, барилга, орон сууцжуулалтын сайд Э.Бат-Амгалан:}

-80 мянган айлыг орон сууцжуулах хөтөлбөрийг ажлын хэсгүүд дээр яриад явж байгаа. Хөдөө орон нутагт орон сууц худалдан авч байвал Ипотекийн зээлийг 6 хувь гэж хатуу барихгүйгээр 6-13 хувийн хүүтэй, бүсчилсэн байдлаар олгодог төлөвлөлт хийхээр ажиллаж байна. Нийслэл Улаанбаатар хотын төвийн дүүрэг 80 дээш мкв байрыг 12 хувь буюу өндөр хүүтэй харин захын хороололд 6 хувийн хүүтэй байхаар тооцоолж байна. Аймаг сумдад ипотекийн зээлийн 6 түүнээс доош байлгах боломжийг эрэлхийлж ажиллаж байна. Ипотекийн зээлийг эрэлтэд, орлогод нийцсэн залуу гэр бүл, ахмад, хөгжлийн бэрхшээлтэй иргэдэд олгох чиглэлээр ажлын хэсгүүд ажиллаж байгаа гэв.