Багш нар цалингаа 1000 ам.долларт хүргэх ёстой гэв
Цалингаа нэмэгдүүлэхээр жагсаж буй багш нарын төлөөлөлтэй Боловсролын сайд П.Наранбаяр уулзаж, санал солилцжээ.
Монголын багш нарын үйлдвэрчний эвлэлийн холбооны дарга Д.Мөнхбаатар:
-2026 оны 1-р сарын 1-ний өдрөөс багш нарын цалинг хэдэн хувиар нэмэгдүүлэх вэ? Цалинг нэг удаад 50 хувиар нэмэх биш, жил бүр 50 хувиар нэмэгдүүлж 1000 ам.долларт хүргэ. Гүйцэтгэлийн үнэлгээ гэж дампуу юмаа боль. Үндсэн цалингаа нэм. Өнөөдөр улсын сургуулиуд нийгмийн даатгалд өртэй, багшийн эрүүл мэндийн зардал тавигдаагүй байна. Хичээл сургууль эхлэх гэж байхад энэ асуудлаа цэгцэлж чадахгүй юм бол монголын багш нар гудамжинд гарна. Ажлаа хаяна.
Боловсролын сайд П.Наранбаяр:
-Багш нарын цалинг нэмэх ёстой гэдэгт санал нэг байна. Өнгөрсөн жил 6 хувь нэмсэн. Энэ хангалтгүй. 20 хувь нэмэгдүүлэхэд 506 тэрбум төгрөгийн эх үүсвэр хэрэгтэй болно. Эх үүсвэрийг нь хэрхэн олох вэ гэдэг асуудал яригдана. УИХ дээр ирэх оны төсөвт хэлэлцэж байж л шийдвэрлэх асуудал. 1800-аас дээш хүүхэдтэй сургуульд хичээл явуулах үнэхээр хэцүү. Багасгах бодлого барина. Гүйцэтгэлийг бүрэн алга болгохгүй гэв.
Сэтгэгдэл (5)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.