Монгол улсын шигшээ баг Тайландыг хожлоо
Монгол Улсын сагсанбөмбөгийн эмэгтэй шигшээ баг Ази тивийн аваргын эхний тоглолтдоо хожил байгууллаа.
БНХАУ-ын Шэньжэнь хотноо зохион байгуулагдаж буй сагсанбөмбөгийн эмэгтэйчүүдийн Ази тивийн аварга шалгаруулах тэмцээний дивизоны В хэсэгт Иран, Тайланд болон Күүкийн Арлуудтай өрсөлдөж байгаа юм. Хэдхэн мөчийн өмнө манай баг хэсгийн эхний тоглолтоо Тайландын шигшээ багийн эсрэг хийж 81:74 харьцаагаар хожил байгууллаа.
Тус тоглолтод манай тамирчид бүгд жигд маш сайн тоглолтыг үзүүлсэн ба Б.Болор-Эрдэнэ, МУГТ Н.Нандинхүсэл, МУГТ Б.Ариунцэцэг нар онцгой сайн тоглолоо.
Манай баг маргааш буюу долоодугаар сарын 15-нд Ираны шигшээ багтай, 16-ны өдөр Күүкийн Арлуудын багтай тус тус тоглох хуваарьтай байна.
Охиддоо амжилтын дээдийг хүсэн ерөөе
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.