С.Ганбаатар: Хэрэв тэр газар МҮЭХ-ны өмч бол би нэн даруй буцааж өгнө

УИХ-ын гишүүн С.Ганбаатарын хамаарал бүхий зуслангийн байранд өнөөдөр АТГ-аас нэгжлэг хийсэн билээ.

Түнээс байр суурийг нь тодрууллаа.

-Таны хөршийн гэрт нэгжлэг хийсэн юм уу, таны гэрт хийсэн юм уу?

-С.Ганбаатарын хөрш айлын гэрт нэгжлэг хийсэн гэж би үзэж байна. Миний таньдаг дүүгийн хашаа байшин. 

-Таныг солонгосчуудаас 50 сая вон авсан гэж үзэж байгаа юм биш үү?

-Тийм зүйл байхгүй. Би өөрөө шүүх дээр сайн дураараа очоод улсад тэр мөнгийг хандив болгосон. 

-Та мэдэгдэл гаргана гэлээ. Уг мэдэгдэл Ерөнхийлөгч У.Хүрэлсүх рүү чиглэсэн агуулгатай байх уу?

-Юу гэж Ардчилсан намын бүлэг Ерөнхийлөгчид мэдэгдэл гаргаж "жижигрэж" байдаг юм бэ. Монголын ард түмэнд л хандаж гаргана. 

-Хичнээн хугацаатай шалгасан юм бэ?

-Зургаан сарын өмнөөс эхэлсэн гэж би бодож байна.

-МҮЭХ-ныхныг шалгаж байгаа юу?

-МҮЭХ-г нэг намын суганы үс болгож болохгүй гэдгийг л хэлье. Миний мэдэхгүй асуудлыг асуугаад байгаа учраас хариулж мэдэхгүй байна. 

-Нэгжлэг хийсэн газар МҮЭХ-ны газар байсан юм биш биз дээ?

-Хэрэв тэр газар МҮЭХ-ны газар бол би нэн даруй буцааж өгнө гэв.