Монгол Улсын Ерөнхий сайд Г.Занданшатар ИЗНН-ын дарга, УИХ-ын гишүүн Батын Батбаатарт Засгийн газарт хамтран ажиллах талаар зөвшилцөх саналыг бичгээр гарган албан ёсоор хүргүүлжээ.

Тус албан бичигт

-Олон улсын харилцаа, геополитикийн эгзэгтэй нөхцөл байдал үргэлжилж, худалдааны тарифын зөрчилдөөн, уул уурхайн бүтээгдэхүүний зах зээлийн үнийн уналтаас үүдэлтэй эдийн засагт үзүүлэх сөрөг нөлөөллийг бууруулах, төрийн бодлогын тогтвортой байдал, залгамж чанарыг хадгалж, үндэсний эв нэгдлийг хангаж ажиллах нь энэ цаг үед туйлын чухал юм.

Иймд Монгол Улсын Үндсэн хуулийн гучин есдүгээр зүйлийн 3,4 дэх хэсэг, Монгол Улсын засгийн газрын тухай хуулийн 23 дугаар зүйлийн 1 дэх хэсгийн 1,2 дахь заалтад заасан бүрэн эрхийнхээ хүрээнд Засгийн газрын бүрэлдэхүүнд хамтран ажиллах саналыг зөвшилцөхөөр хүргүүлж байна гэжээ. 

---