"Хангарьд цом" тулаан үзэгчдийн уухай дор зохион байгуулагдлаа

Монголын холимог тулааны "MGL-1" холбооны 22 тоот тулаан буюу "Хангарьд цом" тулаан амжилттай зохион байгуулагдлаа. 

Энэхүү тулаан нь зохион байгуулагчдын хэлж байсанчлан "гал гарсан", үзэгчдийг огшоосон тулаануудаар дүүрэн боллоо. 

Аса Аренад зохион байгуулагдсан тус тулаанд Бразил, Япон, БНСУ, Казахстан, Нигер зэрэг зургаан орны шилдэг найман тулаан болж MGL-1 холбооны 61 кг жингийн аваргын бүсний эзэн тодорлоо. 

Хамгийн эхний тулаан 57кг жинд Монгол улсын тамирчид болох Б.Цэндсүрэн, Б.Мөнхжаргал нар өрсөлдөж "Ширэн Бээлий", "One Team" клубийн тамирчин Б.Мөнхжаргал шүүгчдийн шийдвэрээр яллаа. 

Хоёр дахь тулаан 70кг жинд Япон улсын тамирчин Чихаяа Ишизуки, Монгол улсын тамирчин Г. Энхтулга нар өрсөлдлөө. Энэхүү тулаанд Япон тамирчин Чихаяа Ишизуки гарт өчигөөр яллаа. 

Гурав дахь тулаан 70кг жинд Монгол улсын тамирчин Х.Төрбаяр, Нигери улсын тамирчин Эммануэл Исуэкэ нар өрсөлдөж "Эрдэнэт ММА" клубийн тамирчин Х.Төрбаяр техникийн илт давуугаар яллаа.

Дөрөв дэх тулаан 66кг жинд Монгол улсын тамирчин Э.Ганзориг, БНСУ-ын тамирчин Пак Сан Хюун нар өрсөлдөж "Batu Fighters" клубийн тамирчин Э.Ганзориг боолтоор өрсөлдөгчөө буулган авлаа. 

Тав дахь тулаан 57кг жинд Монгол улсын тамирчид Б.Отгонбаатар, Б.Үйтүмэн нар кик боксын төрлөөр тулалдаж "Шандас ММА" клубын тамирчин Б.Отгонбаатар техникийн илт даваагаар өрсөлдөгчөө яллаа.

Зургаа дахь тулаан 66кг жинд Монгол улсын тамирчин Ч.Дагийсүрэн, Бразил улсын тамирчин Кайона Ватиста нар өрсөлдөж  "Шандас ММА" клубын тамирчин Ч.Дагийсүрэн боолтоор өрсөлдөгчөө яллаа.

Дэд оргил тулаан 66кг жинд Монгол улсын тамирчин П. Содномдорж, Казакстан улсын тамирчин Елзан Аляаскар нар өрсөлдөж "Ширэн Бээлий", "Мазаалай" клубийн тамирчин, MGL-1 холбооны 70 кг жингийн аварга П. Содномдорж яллаа.

Оргил тулаанд аваргын бүсний төлөө Монгол улсын тамирчид болох Ш.Одсүрэн, Б.Шинэбаатар нар өрсөлдлөө.
"Шандас ММА" клубийн тамирчин, Япон улсын "Gladiator" холбооны аваргын бүсний төлөө тоглох болзлоо хангасан, мэргэжлийн холимог тулаанд дөрвөн ялалт, мөн нэг ч ялагдалгүй байгаа Б.Шинэбаатар өрсөлдөгчөө боолтоор ялж холбооны 61 кг жингийн хоёр дахь аварга "Khangarid Cup" тэмцээний аваргын бүсний эзэн боллоо.

Жич: Тулаанчдын зургийг MGL-1 холбооны олон нийтийн сүлжээнээс авч ашиглав.