МАН-ын Бага хурлын гишүүн С.Нэргүй МАН-ын Ерөнхий нарийн бичгийн дарга Я.Содбаатарт Их эвслийн Засгийн газар байгуулах хүсэлт хүргүүлэв. 

Тус хүсэлтэд

Хамтарсан Засгийн газар 70 жил гацсан төмөр замын хил холболтын төсөл, Эгийн голын усан цахилгаан станц гэх зэрэг томоохон төслүүдийг хөдөлгөсөн. Гэсэн ч МАН-ын Бага хурлын шийдвэрээр Хамтарсан засгийн газар огцорсон. Харин одоо олон улсын болон бүс нутгийн эдийн засгийн байдал тогтворгүй байдал үүсээд байна. Энэ нь дангаар байгуулагдах засгийн газрын үйл ажиллагаанд сөргөөр нөлөөлж улмаар Монгол Улсын нийгэм, эдийн засагт үүссэн хямралыг дэврээх нөхцөл үүслээ. Иймд улс орны нийтлэг эрх ашгийг харгалзан одоо хуралдах МАН-ын Бага хурлын хэлэлцэх асуудалд намын гишүүд дэмжигчдийн доорх санал хүсэлтийг оруулан хэлэлцүүлэх саналтай байна.

Үүнд

• Шинээр үүсгэн байгуулах засгийн газрыг Үндэсний их зөвшилцлийн засгийн газар байгуулах,
• Парламентад суудалтай улс төрийн намуудтай хамтран ажиллах,
• Шинээр сонгогдох ерөнхий сайдад намын эв нэгдлийг хангаж чадах, улс орны нэгдмэл байдалт эрхэмлэн ажиллаж чадах нэр дэвшигчийг дэвшүүлэх,
• Энэхүү саналыг намын Бага хурлаар хэлэлцүүлж өгөхийг хүсье гэжээ.

---