?ЧУУЛГАН: Т.Доржханд: Ерөнхий сайд аа, та ирээдүйн засгийн газар зурагдсан гэсэн. Үүнийгээ нээлттэй хэл

УИХ-ын чуулганы нэгдсэн хуралдаанаар "Монгол Улсын Ерөнхий сайдад итгэл хүлээлгэх эсэх асуудлыг хэлэлцэж байна.

УИХ-ын гишүүд ерөнхий сайдаас асуулт асууж хариулт авч байна. 

УИХ-ын гишүүн, Шадар сайд, ХҮН намын дарга Т.Доржханд:

-Үндсэн хуулийн нэмэлт өөрчлөлтийг хийхийн тулд та манай намыг Хамтарсан засгийн газарт урьсан. Тогтолцооны өөрчлөлтийг Монгол Улсын соёл болгох гэж орж ирсэн. Үр дүнг нь иргэддээ өгөх ёстой юм байна гээд орж ирсэн. Өнөөдөр засгаас гарч явах маш амархан. Ажлаа өгөх бүр амархан. Гэхдээ улс маань яах билээ? 

Гадаадын хөрөнгө оруулалт 2012 оноос их бидэн рүү хандаж байна. Засаг чинь тогтвортой байгаа гэдэг агуулгаар маш том хөрөнгө оруулалт ирэхээр байсан. Одоо энэ бүгд яах вэ? Ерөнхий сайд аа, та ирээдүйн засгийн газар зурагдсан гэж хэлсэн. Үүнийгээ нээлттэй хэл. Нэг хүний засаглалтай байх юм уу, парламентын засаглалтай байх юм уу?

Ерөнхий сайд, МАН-ын дарга Л.Оюун-Эрдэнэ:

-76 хулгайч гэдэг нэр зүүх хэмжээнд нэр хүнд нь унасан. Том агуулгаар нь 126 холимог парламент байх нь зүйтэй гээд бид бүрдүүлж чадсан. Нээлттэй ярилцах индэр гэдэг утгаар нь өнөөдрийн энэ шийдвэрийг гаргасан. 126 гишүүнтэй парламент дараа дараагийн засгийн газрын асуудалд туйлын хариуцлагатай хандах ёстой юм шүү. Аливаа асуудлыг том агуулгаар нь харах ёстой. Засаглалын тогтворгүй байдал хэт улс төржилт парламентын засаглалд ноцтой хор хөнөөл дагуулж болзошгүй гэдгийг хэлэх нь миний үүрэг. 126 гишүүн геополитикийн хувьд амжиж хийсэнд талархаж байгаа. Үүнийгээ харин хамгаалах учиртай гэв.