?LIVE: С.Эрдэнэбат: Засаг тогтвортой байвал ард түмэн хожно

УИХ-ын гишүүн С.Эрдэнэбаттай Хамтарсан Засгийн газар, Засгийн газрыг огцруулах бодит шаардлага байгаа эсэх талаар ярилцлаа. Тэрбээр "УИХ-д орж ирээд монголын баялагт эзэн суусан бүлэглэлийн тухай зөндөө зүйл сонслоо" гэв. 

УИХ-ын гишүүн С.Эрдэнэбат: 

-Засгийн газар тогтвортой байх нь ард түмэнд хэрэгтэй. Шинэ Засгийн газар гарахаар л өмнөх рүүгээ буруугаа чихдэг, судалж байна гээд суугаад байдаг. Бидэнд одоо тийм цаг байхгүй. 

Энэ бүхэн юунаас үүссэн бэ гэхээр нэг хүний хүүхдийн асуудал, шинээр бүрдсэн 126 гишүүний ар дахь хуучны ашиг сонирхол, нэг нэгэндээ барьцаалагдсан байдал. 

Орлогоо нотлох асуудал нь ном журмынхаа дагуу явах биз дээ. Ер нь бол УИХ-д орж ирээд монголын баялгийг хувьдаа авсан бүлэглэл байдаг тухай зөндөө мэдээлэл сонсож байна. Гадна нь байхдаа сонсож байсан ч, арай ч иймдээ хүрээгүй, шударгаар явдаг гэж бодож байсан. Гэтэл төрд байгаа, мэдээлэлд ойр хэсэг нь хулгай, луйвар хийсэн байна. 

Ерөнхий сайдын хувьд орд газар аваагүй, орд газрын барьцаанд ороогүй хүн учраас асуудал яг хаанаа байгааг ойлгочихсон байна шүү дээ. Уул уурхайн баялгийн тодорхой хэсгийг ард түмэнд авч өгье гэж өмнө нь хэний ч хийгээгүй зүйлийг хийгээд явж байгаа нь бүлэглэлүүдийн эрх ашгийг хөндөөд байна. Иймээс шинээр бүрдээд нэг ч жил болоогүй Засгийн газрыг огцруулахыг дэмжихгүй гэв.