УИХ-ын нэгдсэн чуулганаар 2026 оны хөгжлийн төлөвлөгөө хэлэлцэж буй. Хэлэлцэж буй асуудалтай холбогдуулан гишүүдээс байр суурийг нь хүргэж байна.

УИХ-ын гишүүн, Аж үйлдвэржилтийн байнгын хорооны дарга С.Ганбаатар:

-Олон зүйлийг гишүүд ярьж байгаа. Миний хувьд хуудас 9-т буй төсвийн зардлын реформын хүрээнд процессын дахин инженерчлэл хийж төрийн үйлчилгээ хялбар, хүн төвтэй, проактив хандлагаар эрчимжүүлнэ гэсэн үг байна. 

Хоёр зүйл хэлмээр байна. Төсвийн зардлын реформын хүрээнд нийт төрийн албан хаагчдын тоог 15 хувиар бууруулна гэж заажээ. Нийтдээ монголын төрийн албанд 226,9 мянган хүн ажиллаж, ар гэрээ тэжээж байна. Багш эмч нарыг оролцуулахгүйгээр үлдсэн 74 мянган хүний 9 хувь буюу 11 мянган хүнийг 2026 онд халах юм байна. Хөдөлмөрийн хуулийн ямар заалтаар халж, хааш нь шилжүүлэх гэж байгаа юм бэ. 

Үүний дараа төрийн үйлчилгээний чанар сайжрах уу. Хэдэн төгрөгний зардал гарах юм, эргээд хэдэн төгрөг хэмнэх юм бэ гэж асуусан. Бичгээр хариулт өгнө гэж байна. Ер нь бол төрийн албанд одоо ажиллаж байгаа хүмүүсийг чанаржуулмаар байна. Төрийн албаны хэллэг яагаад ашиглахгүй "процессын дахин инженерчлэл хийж хүн төвтэй проактив хандлага" гэх үг ашиглаад байна. Энэ юу гэсэн үг юм бэ гэв. 

---