?Ж.Бат-Эрдэнэ: Дав.Цогтбаатар гишүүнийг эгүүлэн татах асуудал хуулийн мухардалд ороогүй. Удахгүй хэлэлцэнэ

Монгол Улсын гурван шатны шүүхээр УИХ-ын гишүүн Дав.Цогтбаатарыг гэм буруутай хэмээн үзсэн. Түүнийг УИХ-ын гишүүнээс чөлөөлөх асуудал "Хуулийн мухардалд орсон" гэж ХЗДХ-ийн сайд мэдэгдсэн байдаг. Энэ талаар УИХ-ын гишүүн, Төрийн байгуулалтын байнгын хорооны дарга Ж.Бат-Эрдэнийн байр суурийг сонслоо. 

УИХ-ын гишүүн, Төрийн байгуулалтын байнгын хорооны дарга Ж.Бат-Эрдэнэ: 

-Хуулийн мухардалд орсон зүйл байхгүй. ХЗДХ-ийн сайд тийм утгатай зүйл ярьсан байна лээ. 

Энэ асуудал удахгүй Төрийн байгуулалтын байнгын хороогоор орно. "Шүүхийн шийдвэр гарсан бол УИХ шийдвэрлэнэ" гэж хуулинд байдаг. УИХ хууль биелүүлэх ёстой. Гагцхүү, УИХ дээр хэлэлцэх үеэр аваад үлдчихэж магадгүй гэх үүднээс хуулинд өөрчлөлт оруулъя гэсэн байхгүй юу. Тиймээс хоёр долоо хоногийн дараа Төрийн байгуулалтын байнгын хороогоор орчихно гэв.