Д.Энхтуяа: Төрийн албаны ёс зүй УИХ-ын гишүүд биднээс эхлэх ёстой
УИХ-ын Ёс зүй, дэгийн байнгын хорооны өнөөдрийн хуралдаанаар Монгол Улсын Ёс зүйн хорооны 2024 оны тайланг хэлэлцлээ. Энэ үеэр УИХ-ын гишүүн Д.Энхтуяа дараах байр суурийг илэрхийллээ.
УИХ-ын гишүүн Д.Энхтуяа:
-Төрийн албаны ёс зүйг сайжруулахын тулд соён гэгээрүүлэх, сэтгэлгээний хувьд өөрчлөлт хийх ёстой гэж боддог. Монгол төрийн албанд ажиллах бахархлыг бий болгох нь зөв. Ёс зүйн алдаа гаргасан бол уучлалт гуйх үнэт зүйлтэй болох хэрэгтэй.
Төрийн албаны үнэт зүйл юу вэ гэдгийг тодорхой болгож, гаргаж ирэх шаардлагатай байна. Цаасан дээр харахаар төрийн албан хаагчид хангалттай сайн ажилласан байдаг. Төрийн албан тушаалтнууд хариуцлага алдсан бол ёс зүйн хариуцлага хүлээдэгггүй юм гэхэд, уучлал гуйсан тохиолдол бараг байхгүй. Төрийн албан хаагчдад хариуцлага тооцлоо гэхэд багш, эмч нар л байдаг. Төрийн өндөр албан тушаалтнууд хариуцлагатай байх шаардлагатай. Төрийн албаны ёс зүй УИХ-ын гишүүд биднээс эхлэх ёстой гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.