Үндсэн хуулийн сургагч багшаар 100 гаруй иргэнийг бэлтгэж төгсгөв
Бүгд Найрамдах Улсыг тунхаглаж, Анхдугаар Үндсэн хууль баталсны 100 жилийн ойг улс, орон даяар тэмдэглэн өнгөрүүлэх хүрээнд Монгол Улсын Их Хурлын Тамгын газраас 21 аймаг, нийслэлийн 9 дүүргийн төлөөлөл 100 гаруй залуусыг Үндсэн хуулийн сургагч багш болгон бэлтгэх сургалтыг өнөөдөр явууллаа.
Түүнчлэн Анхдугаар Үндсэн хуулийг баталсан ойн өдрийг угтаж 2024 оны арваннэгдүгээр сарын 23-ны бямба гарагт "Санан тунхаглах ирээдүй" сэдэвт гэрэл зураг, архивын үзэсгэлэнгийн нээлт Монголын Үндэсний музейд болно.
Харин ирэх даваа гарагт “Үндсэн хуульт ёс: өнгөрсөн, одоо, ирээдүй” сэдэвт олон улсын эрдэм шинжилгээний хурал зохион байгуулахаас гадна улсын хэмжээн дэх бүх ерөнхий боловсролын сургуулийн I-XII ангийн сурагчдад “Монгол Улсын Анхдугаар Үндсэн хууль” сэдэвт хичээл заах ажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.