УИХ-ын ээлжит 2024 оны сонгуульд улс төрийн намууд өнөөдөр нэр дэвшигчдээ тодруулж, Сонгуулийн ерөнхий хороонд хүргүүлэх ёстой.
МАН-ын Удирдах зөвлөлийн хурал өнөөдөр 13:00 цагт хуралдаж, үргэлжлүүлэн намынхаа Бага хурлыг Тусгаар тогтнолын ордонд хийхээр товтой байна.
Харин Ардчилсан намын хувьд Улс төрийн зөвлөл нь 12:00 цагт хуралдаж, 16:00 цагт Үндэсний бодлогын хороогоо “Corporate” зочид буудалд хуралдуулахаар болжээ.
Хөдөлмөрийн үндэсний намын Удирдах зөвлөл үдээс өмнө хуралдаж, намынхаа их хурлыг үдээс хойш хуралдуулах юм байна.
Монгол Улсын Үндсэн хуулийн нэмэлт өөрчлөлтөөр шинэ парламент 126 гишүүнтэй байх юм. Сонгуулийг холимог тогтолцоогоор явуулах ба тойргоос 78 гишүүн, намын жагсаалтаар 48 гишүүн сонгогдоно.
МАН болон АН-ын удирдлагууд намын жагсаалтын эхэнд эмч, багш, эрдэмтэн, инженер, хөгжлийн бэрхшээлтэй иргэдийн төлөөллийг багтаахаа илэрхийлээд байна.
Намууд нэр дэвшигчдийнхээ мэдээллийг өнөөдөр Сонгуулийн ерөнхий хороонд хүргүүлэх юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.