Тусгай зориулалтын экскаватораар “S’Outlet” дэлгүүрийн таван давхар барилгыг нурааж байна.

Нийслэлийн Засаг дарга бөгөөд Улаанбаатар хотын Захирагч Х.Нямбаатар:

-"S' Outlets" дэлгүүрийн таван давхар барилгыг нураах ажлыг өнөөдөр хийж байна. Өчигдөр аж ахуй нэгжтэй нь тохиролцсон. Албадан буулгах захирамж гарсан.

Туул гол, Дунд гол, Сэлбэ голын сав дагуу хууль зөрчиж баригдсан объектуудын эздэд хандаж хэлэхэд хур бороо ихтэй байгаа сүүлийн жилүүдэд нийслэлээс тавьж байгаа үерийн уснаас хамгаалах ажилд хүндэтгэлтэй хандаж, хамтран ажиллахыг хүсэж байна.

Үеэр усны аюул байгалийн гамшиг нь маш ноцтой аюул хохирол дагуулдаг учраас урьдчилан сэргийлэх чиглэлээр хийж байгаа ажлууд дээр хүндэтгэлтэй цаг алдалгүй ажиллах шаардлагыг тавьж байна гэв.

---