БНСУ-ын Жэжү арал дээр явагдаж байгаа Азийн покерын тэмцээн (APT)-д монголчууд чамгүй амжилт үзүүлсээр өндөрлөж байна. "Монголын оюун ухааны академи"-ийн тэргүүн Х.Хатанбаатар шагналт есдүгээр байрт шалгарсан бол дөнгөж сая Монголын шилдэг тамирчдын нэг Цолмон (Tsoomoo Venus) шагналт зургаадугаар байрт шалгарлаа. 

"APT Jeju 2024" тэмцээний оргил тулаан болох Highroller тэмцээний бооцоо 5100 ам.доллар бөгөөд 191 тамирчин оролцлоо. Монголын тамирчин Цолмон хэдийгээр чип лидер байсан боловч, QQ vs AA хослол дээр хожигдсоноор зургаадугаар байрт орж, 54450 ам.долларын шагнал хүртлээ. 

---