Монголын үндэсний допингийн эсрэг байгууллагын ерөнхийлөгчөөр ажиллаж байсан Ж.Хатанбаатар нь допингийн асуудалд холбогдсон тул уг байгууллагын удирдлагыг өөрчилж, удирдах зөвлөлийг 13 гишүүнтэй байхаар дүрмэндээ тусгасан.

Тодруулбал, Удирдах зөвлөлийн бүрэлдэхүүнд Засгийн газрын төлөөлөл хоёр, Монголын үндэсний олимпын хорооноос хоёр,  Монголын Паралимпын хорооноос хоёр, тамирчдын төлөөлөл нэг, хараат бус гишүүн зургаа байхаар дүрмээ баталсан юм. Тэгвэл тус байгууллагын шинэ удирдах зөвлөлийн бүрэлдэхүүнд өмнөх удирдах зөвлөлд байсан зургаан гишүүн бүгдээрээ улиран сонгогдож орсон гэдэг мэдээллийг эх сурвалж өгч байна.

Энэ талаар Олон улсын буудлагын холбооны эмнэлэг, допингийн эсрэг хорооны гишүүн Н.Цогтсайхан “Одоогийн Монголын үндэсний допингийн эсрэг байгууллагын удирдах зөвлөлд өмнө нь Ж.Хатанбаатарын тэргүүлж байсан үеийн УЗ-ийн зургаан гишүүн сонгогдож орсон. Ж.Хатанбаатар өөрөө УЗ-ийн гишүүнээр сонгогдсон байна. Гэхдээ УБЕГ-аас тус байгууллагын нэр, УЗ-ийн бүрэлдэхүүнийг хүчингүйд тооцсон” гэдэг мэдээллийг өглөө.

---