Амьгүй донороос шилжүүлэн суулгасан саванд амжилттай бүрэлдсэн ураг мэндэлжээ
32 настай Бразили эмэгтэй төрөлхийн савны хөгжилгүй байжээ. Тиймээс эмч нар түүнд өвчний улмаас амиа алдсан, гурван хүүхдийн эх 40 гаруй настай эмэгтэйн савыг суулгахаар болж мэс засал амжилттай дууссан байна. Хагалгааны дараа савны үйл ажиллагааг дэмжсэнээр анх удаа амьгүй болсон саванд үр тогтож, эрүүл саруул бяцхан охин мэндэлжээ.
Урьд өмнө нь амьд донороос шилжүүлэн суулгасан савнаас 11 хүүхэд эсэн мэнд мэндэлж байсан ч амьгүй хүнээс шилжүүлэн суулгасан саванд үр тогтоох ажил бүтэлгүйтсээр ирсэн юм. Дэлхийн эрүүл мэндийн түүхэнд амьд донороос сав шилжүүлэн суулгах 39 хагалгаа хийсэн байдаг ажээ.
Бразилийн иргэн Маер Рокитанский Кустер 4,500 эмэгтэй тутамд нэг тохиолддог тун ховор эмгэгтэй төрсөн байна. Энэ эмгэг нь савны хөгжлийг үгүй хийдэг ч өндгөвч бүрэн хөгжсөн байдаг.
Сав шилжүүлэн суулгахад амьд донор олдох нь эрсдэлтэй төдийгүй тун ховор тохиолдол юм. Тиймээс Маер амиа алдсан эмэгтэйн савыг туршиж үзсэн нь амжилттай болж анагаах ухаанд анхдагч болжээ. Эмэгтэй хийсвэр хагалгаагаар төрж 2,5 кг эрүүл саруул охиноо өлгийдөн авсан юм.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.