Монгол Улсын сайд, Засгийн газрын хэрэг эрхлэх газрын дарга Д.Амарбаясгалангаар ахлуулсан, УИХ-ын гишүүд, мэргэжлийн байгууллагуудын төлөөлөл Завхан аймгийн Цагаанчулуут суманд ажиллаж байна.

Улс орон даяар өвөлжилт хүндэрсэнтэй холбогдуулан зудын эрсдэлийг бууруулах, хаваржилтын хүндрэлийг хохирол багатай даван туулах зорилгоор Монгол Улсын Засгийн газраас 2024 оны 2 дугаар сарын 15-ны өдрөөс 5 дугаар сарын 15-ны өдөр хүртэлх хугацаанд өндөржүүлсэн бэлэн байдал зарласан.

Үүнтэй холбоотойгоор Монгол Улсын Засгийн газар, Улсын Онцгой комиссын зудын эрсдэлийг бууруулах шуурхай бүлэг орон нутагт ажиллаж эхлээд байна.

Монгол Улсын сайд, Засгийн газрын хэрэг эрхлэх газрын дарга Д.Амарбаясгалангаар ахлуулсан, УИХ-ын гишүүд, мэргэжлийн байгууллагуудын төлөөлөл Завхан аймгийн Цагаанчулуут суманд ажиллаж байна.

Завхан аймгийн 17 сум зудтай, сүүлийн мэдээгээр 30 мянга гаруй мал хорогджээ. Цагаанчулуут суманд 2-р сарын 12-ноос хойш тасралтгүй шуурч, шөнөдөө -38 хэм хүйтэн хүрч байна. Цасны зузаан 40-50 см-т хүрсэн бөгөөд малчид хотноосоо гарч чадахгүйд хүрчээ. 

Тус сумын зудын нөхцөл нэн хүндэрсэн 74 өрхөд 370 уут хүчит тэжээл болон хүнсний багц, эрүүл мэндийн тусламж үйлчилгээ үзүүлжээ.

---