Завхан аймгийн Баянтэс, Тэс суманд хоёрдугаар сарын 17-18-нд шилжих шөнө хамгийн хүйтэн буюу -41 хэмийн хүйтэн хоножээ.

Цаг уурын өртөө, харуулын ажиглалтын мэдээгээр, Завхан аймгийн нийт сумын нутгаар 0-24 см зузаан цасан бүрхүүлтэй байна. Хамгийн их нь Тэс сумын нутгаар 24 см, хамгийн бага нь Ургамал сумын нутгаар 0 см зузаан цасан бүрхүүлтэй байна. Салхи өдөртөө ихэнх нутгаар баруун өмнөөс секундэд 4-10 метр, түр зуур секундэд 12-14 метр хүрч ширүүсчээ.

Шөнөдөө ихэнх нутгаар баруун өмнөөс секундэд 2-6 метр байсан байна. Хоёрдугаар сарын 17-18-ны өдөр, аймгийн нийт сумын нутгаар өдөртөө -8-24 хэм хүйтэн байжээ. Шөнөдөө -27-41 градус хүйтэн, хамгийн хүйтэн нь Баянтэс, Тэс сумын нутгаар -41 хэм хүйтэн хоножээ.

Цаашид нутгийн хойд болон зүүн бүсийн сумдаар цас бага зэрэг орж, хүйтний эрч чангарна. Салхи ихэнх нутгаар баруун, баруун өмнөөс секундэд 4-9 метр, түр зуур зарим газраар секундэд 10-12 метр хүрч ширүүснэ. Идэр, Тэс, Буянт, Завхан голын хөндийгөөр -25-30 хэм хүйтэн байна гэж аймгийн Завхан аймгийн Ус цаг уур орчны шинжилгээний газраас мэдээлэв.

---