Багахангай дүүргээс зүүн зүгт 10 км зайд "Приус-41 автомашинтай иргэн зам харагдахгүй замын хунгар цасанд суусан" гэх дуудлага мэдээлэл ОБГ-т 16:45 цагт иржээ.

Дуудлагын дагуу дүүргийн Онцгой байдлын хэлтсийн Гал түймэр унтраах, аврах 80 дугаар ангийн алба хаагчдыг очиход Приус-41 автомашин замын хажуу руу гулсаж цасанд суусан, 51 настай иргэн дотор нь байсныг аюулгүй газарт хүргэж авран хамгаалсан байна.

Цаг агаарын аюулт үзэгдэл үргэлжилж, орон нутгийн замд үзэгдэх орчин хязгаарлагдмал, зам мөсөрсөн, цасан шуурга шуурч байгаа нөхцөл байдалтай байна.

Холбогдох байгууллагын шийдвэрээр нийслэлээс гарах хөдөлгөөнийг хаасан тул баталгаат бус замаар хөдөлгөөн үйлдэхгүй байхыг онцгойлон анхааруулж байна

---