ҮЦХ-ийн захирал Ү.Оюунзул: School police хийж чадахгүй хүмүүс өглөөний түгжрэлийг нэмээд байна

НИТХ-ын төлөөлөгч, Үндэсний цэцэрлэгт хүрээлэнгийн захирал Ү.Оюунзул School police-гийн талаар бухимдлаа илэрхийлж цахим хуудастаа дараах бичвэрийг оруулжээ. 

Тэрээр "School police хийж чадахгүй хүмүүс өглөөний түгжрэлийг нэмээд байна.
School police хийж байгаа хүмүүс замаар гарч байгаа хүүхдүүдийг бодож байгаа шигээ зам дээр машин, автобус дотор өөр нэг сургууль руу явж байгаа хүүхдүүдийг бас бодмоор байна. Явган гарцаар гарч байгаа сурагчдыг 5, 10-аар бөөгнүүлж байгаад гаргадаг энгийн мэдрэмжтэй баймаар байна. Тэгэхгүй нэг нэгээр нь хүүхдүүд гүйлгээд замын хөдөлгөөнөө таг гацаагаад, эсвэл яах гэж хантааз өмсөж, дохиур барьснаа ч мэдэхгүй амаа ангайгаад зогсоод байх юм.
Дээр нь хөлдүү төмс шиг амин хувиа хичээсэн нөхдүүд хэдхэн метрийн цаана бэлэн зогсоол байж байхад, зам хааж машинаа тавьж хүүхдээ сургуульд нь оруулж өгч байгаа үйлдлийг өглөө болгон харахаар бухимдаад байна. Яагаад ийм энгийн мэдрэмж, зохион байгуулалт нас бие хүрсэн хүнд байдаггүй юм бол...

School police хийж байгаа хүмүүст өгдөг заавар, зөвлөгөө байна уу ?!
Хүүхдүүддээ битгий ийм бүтэлгүй, амиа хичээсэн үйлдлүүдээрээ үлгэр дуурайлал үзүүл л дээ" гэжээ.