М.Нарантуяа: Сонгуулийн хууль зөрчих тул өнчирсөн хүүхдүүдэд туслах аян өрнүүлэх боломжгүй

Ээжийгээ алдаж, хагас өнчирсөн таван хүүхдэд туслах аяныг цахим орчинд эхлүүлээд байна. Б.Отгонбаярын гэр бүлд туслах аян өнөөдөр эхэлсэн бөгөөд одоогийн байдлаар нийтдээ 94 сая төгрөг цугларчээ. Цахим орчинд олон дагагчтай иргэн М.Нарантуяаг тус гэр бүлд тусалж, хандивын аян өрнүүлэхийг хүсжээ.

Уг иргэдийн хүсэлтэд иргэн М.Нарантуяа: 

-Монголдоо буумагц л дэндүү харамсалтай мэдээ сонсоод бас зүрх эмтрээд зүгээр сууж чадамгүй. Дээр нь олон түмэн маань ч зөндөө санал тавьсан байна. Ёстой ийм л бяцхануудыг нээрээ дулаан байр оронтой болгочихдог бол сайхан ээжийг нь орлож сүүтэй мөөмөө идэхээс өөр жаргал байхгүй. Бяцхануудад тэр жаргалыг нь өгч чадахгүй ч Монгол Түмний маань халуун сэтгэл дорхноо байртай болгочихно.

Гэвч Нара нь Монголынхоо олон олон эмэгтэйчүүдэд системээр нь тусалж, өөрчлөхийн тулд хоёр ч удаа сонгуульд өрсөлдсөн. Энэ жил гурав дах удаагаа үзээд алдъя гэж бодож байна. Тиймээс ямар нэг хандивын үйл ажиллагаа санаачлан зохион байгуулах нь сонгуулийн хууль зөрчсөнд орох юм гэжээ.