Өнгөрсөн онд нислэгийн тоо, давтамж нэмэгдэж манай улс 1 сая 750 мянган зорчигч тээвэрлэсэн байна. Энэ 2024 онд 2 сая 200 мянган зорчигч тээвэрлэх зорилт тавьжээ.

Энэ хэрээр Чингис хаан Олон Улсын нисэх буудлын ачаалал нэмэгдэж буй аж.  Иймд орон нутгийн нислэгийг Буянт-Ухаа руу шилжүүлэх талаар Зам тээврийн хөгжлийн яамны удирдлагууд Улаанбаатар Олон Улсын шинэ нисэх буудал ХХК-ийн гүйцэтгэх захирал Китанака Такефумитэй санал солилцсон байна.

Уулзалтын үеэр Чингис хаан нисэх буудалд бүртгэлийн цэг цөөн, зорчигчдын ачаа, тээш удаан хүлээгддэг асуудлыг шийдвэрлэх тал дээр онцгой анхаарахыг сануулсан байна.

---