Завхан аймгийн Тэс сум төвөөс хойд зүгт 80 км “Бэрхийн-Өвөр” гэдэг газар "Бэрхийн-Өвөр" болон "1 дүгээр застав"-ын чиглэлд дуудлагаар явж байсан сумын Эрүүл мэндийн төвийн автомашин цасанд сууж, эвдэрчээ.

Тухайн машинд хоёр өвчтөнд зорчиж явсан бөгөөд эмнэлгийн тусламж үзүүлэхэд автомашины дэмжлэг үзүүлнэ үү гэсэн хүсэлтийг онцгой байдлын алба энэ сарын дөрөвний 18:19 цагт хүлээн авчээ.

Энэ дагуу тус аймгийн Онцгой байдлын газрын Тэс сум дахь Гал түймэр унтраах, аврах 57 дугаар ангийн алба хаагчид очиж, хоёр өвчтөнийг аваад нэгдүгээр сарын 5-ны 04:14 цагт сумын Эрүүл мэндийн төвийн их эмчид хүлээлгэн өгчээ. 

Орон нутагт цас ихтэй байгаагаас өвөлжилт хүндэрч байна. Иймд орон нутагт зорчиж буй иргэдийн замын нөхцөл байдлын мэдээллийг тогтмол хүлээж авч, анхаарал болгоомжтой зорчихыг зөвлөж байна.

---